...send oifach
lecker!
Kässpätzle macht der echte Schwob ja ned extra, des gibts, wenn vom Vortag welche übrig sen :)
Dazu brauchts au ned viel, nur eben Spätzle ond Käs.
Über die Zubereitung von Spätzle schreib i mol en extra Beitrag.
Über die Zubereitung von Spätzle schreib i mol en extra Beitrag.
Jetzt wird natürlich a Menge drüber diskutiert, welcher Käs da jetzt nei kommt, die oine heharred druff, das mindeschtens 3 Sorte Käs nei müssed, damits au richtige Kässpätzle sen.
Do gohts om Bergkäs, Emmentaler, manche schwöred sogar Stein und Bein, do ghert Romadur nei,aber bei uns isch des ganz oifach, s kommt der nei, wo grad do isch.
D Spätzle kommed in a Pfann mit Butter, wern gschwenkt, bis se warm sen, Salz ond Pfeffer - na kommt der geriebene Käs dazu, ond dann muß man nur warten, bis der schee gschmolze isch.
Dazu gibts abgschmelzte Zwiebla, die wern nur in Streifen gschnitten, in Butter anbrate, bis se schee Farb hen.
Des wars au scho.
Dazu gibts an grüner Salat ond älle sin satt ond zufrieda.
Laßts euch schmecken!

Keine Kommentare:
Kommentar veröffentlichen